WHO DEY YOUR BACK?

E better make you sure
Of who dey your back
Because e get why
Wey you must surely know
Who dey your back?

If you get backing
Watin bi that backing
Sha na human kind of backing
Or God own kind of backing
You never answer the question oh.

Who dey your back?
Sha e sure for you
To brag about who dey your back
Sha na one juju or otumopkor somewhere
Or na papa God dey your back.

Wey you dey walk with
You sure say you no dey walk alone
Say na three of them join
Dey follow you waka ni 
Hope say you no dey walk alone.

Say God the Father
God the Son
The host of Heaven
Dey your back, you sure check your back now
Who dey your back?.

Person wey dey walk
With God the Father, Spirit and Son
Dey get sure liver wey strong wellah
Because na these three in one
Dey back you up 24/7.

But e depends on
Who dey your back?
Make sure you no dey waka alone
Make live you show you shaga
Who dey back you up and who dey your back?