Na Because You Fail to Believe

Problem yanful yanful for everywhere

Your life no get meaning again

And you won end everything

You no fit pray again

Your faith to waka far

Na your mouth don close like super glue

Everything na bad news as e dey fall apart

Your life don fall apart before your own eyes

And yet you still dey carry the face of pity up and down

Prayer don go far from your mouth

Na because you fail to believe

Your problem don become like army

Wey don conquer your faith

Na your fear don eat your confident up

See as you burier your face inside shame

See as you don turn to watin dem they use laugh

You con dey ask yourself where God dey

River don cover you ocean wen drink you up

The whala of life don finish the boat of your life

Even self you no sure of winning anymore as so, so defeat dey around you

The problem don plenty sotel you don forget

Wetin God talk inside Him word… Him promise

You don forget say e get one guy wey dey inside  Bible

Him name na Elijah see as dat guy pray make rain no pour

And that prayer come to pass so watin be your own

You will be a new creature

While you no fit wake up waka from that pity palce

And go face Baba God in prayer open your mouth

Make that prayer come from inside your heart

Tell about the situation because na Him get power to finish ‘em

See my sister…my brother

Watin be that mountain wey you dey face now

Watin be that thing wey dey make heart fly

My brother…my sister the answer dey near you there

Y all this tin dey happin because say you no believe