THE KIND OF ELECTION WE WANT

We no want the kind of election
Were the nation go turn upside down
Where house no go gree us to stay again
When be say we go dey run for watin no pursue us
The kind of election we want

Remember say after election life continues
We go still dey while the politicians
We go see them all inside tinted glass car
Carrying siren and military men all over
Everywhere dey go

The kind of election wey we want to see this time
Na the election we see ourself as brothers and sisters
As election no be do or die affair
Remember say na thumb we dey use vote
So no need to bring fist (punch) into election day

Even as campaign dey go on like these
As politicians dey move from this area to another place
As we dey follow them everywhere dey go
Remember say make each person dey go jejely
E no make sense at all to die for one leader wey no worth ‘em

E better make we see the end of election
Then for election to see the end of us
Make sure say you support who you dey support in peace
E no means say we dey support different person
No make say we become enemies to ourself because of this

The kind of election we want
That one way be say we come out in many numbers
To cast our vote for that person wey we feel say
E go do us well in the next four year
The person go use in office for the masses not for himself or herself alone

Remember say
This election na very important issue for our country
Abeg country men and country women, boys and girls
Let’s make sure say we no use fight go vote on that day
And make sure say you no sale your vote

Abeg go vote as your vote this time go count.