NO MATTER WATIN HAPPEN

Even though everything no dey alright

Even though watin you dey expect no show

And be like say katakata don burst for your head

Bad belle just dey follow you everywhere you waker go

Even though

Tomorrow be like say e no get belle

All watin you plan no amount to anything

You con be like say na only you waka come this life

As you dey look others they waka with their partner

Only you just dey waka your own

Even though the person wey get where you dey live

They show you some kind green card

Talk for say you no pay your rent

And everything don turn to things fall apart

For your  korokoro eye all your plan dey fall like water inside garri

Even though

Garri no dey for house, soup don waka go leave

Money far from your pocket you no fit pay for anything

Pikin no dey school say because school fees you no pay you tire for life

Tomorrow wey near before you don waka live you teltel

Hungry become your close paddy

Life tire you tomorrow don go transfer 

You dey fear even self to live to see tomorrow while you still dey today

Bad belle just dey follow you up and down

Heavy knock wey you get from frustration

Dey kill you inside small, small one day you go kick bucket

Even though you don marry teltel

And everybody dey expect pikin

And pikin no show at all you cry your eyes out

Water finish for your eyes

Even though mother in law won pursue come hot for your husband house

Abeg no cry dry your eyes

For this life papa God don talk say we go maker

That house you pay the rent build your own

Dem that your pikin go school get job come live good life

That pikini you go get em bokunbokun

Even though katakata dey fly everywhere just get faith